(339) SOUS LE RÈGNE DE CHARLES VF. 99

les chanoines el beneficiez de la dicte eglise diront unes vigiles solen-neles et le lendemain messe en tel jour que le dit testateur trespassera, et distribueront aux presens d'icelui service, tant chanoines comme chappellains et vicaires de la dicte eglise, vi livres Parisis de la revenue du dit bois, et le surplus sera emploié ou luminaire et vestemens d'icelle eglise.

Item, le dit testateur veult et ordonne estre, fondée une chappelle ou chappellenie en la dicte eglise Saint Florent de Roye de une messe de Requiem estre chantée et célébrée chascun jour de l'an à tousjours perpetuelment pour les ames de lui, de ses amis et bienfaicteurs, et pour ce faire laisse la somme de mil escus d'or pour une foiz, et se la dicte somme de mil escus ne souffisoit, le dit testateur veult et ordonne que ses heritages qu'il a acquestez à Pons Saincte Maixence et à Pourpoint et environ soient vendus et aliénez pour la perfection de la fondacion de la dicte chappelle ou messe perpetuelle chascun jour, et veult le dit testateur que tout ce soit fait à l'ordonnance de ses diz executeurs.

Item, il donne et laisse aux Cordeliers de Roye xx solz Parisis pour une fois.

Item, à l'ostel Dieu d'icelle ville xl solz Parisis, et diront vigiles et messe.

Item, il veult el ordonne que à tous les povres qui vendront au dit lieu de Roye le jour de son obseque, qui se fera ilec, soit donné et baillé à chascun un blanc de quatre deniers Parisis.

Item, il veult et ordonne que à tous les prestres de la dicte eglise Saint Florent, c'est assavoir, celui qui dira messe, le dyacre, soubz-diacre et choriers, soit baillé à chascun vin solz Parisis, et à chascun des autres chanoines de la dicte eglise qui sera present aux vigiles et messe de son dit service vi solz Parisis, à chascun chappellain et à chascun vicaire de la dicte eglise mi solz Parisis, aux enfans de cuer de la dicte eglise à chascun enfant xii deniers Parisis, et à .chascun prestre de la dicte ville de Roye et du païs environ qui vouldront chanter messe pour son ame iii solz Parisis.

i3.



	(339) SOUS LE RÈGNE DE CHARLES VF. 99 les chanoines el beneficiez de la dicte eglise diront unes vigiles solen-neles et le lendemain messe en tel jour que le dit testateur trespassera, et distribueront aux presens d'icelui service, tant chanoines comme chappellains et vicaires de la dicte eglise, vi livres Parisis de la revenue du dit bois, et le surplus sera emploié ou luminaire et vestemens d'icelle eglise. Item, le dit testateur veult et ordonne estre, fondée une chappelle ou chappellenie en la dicte eglise Saint Florent de Roye de une messe de Requiem estre chantée et célébrée chascun jour de l'an à tousjours perpetuelment pour les ames de lui, de ses amis et bienfaicteurs, et pour ce faire laisse la somme de mil escus d'or pour une foiz, et se la dicte somme de mil escus ne souffisoit, le dit testateur veult et ordonne que ses heritages qu'il a acquestez à Pons Saincte Maixence et à Pourpoint et environ soient vendus et aliénez pour la perfection de la fondacion de la dicte chappelle ou messe perpetuelle chascun jour, et veult le dit testateur que tout ce soit fait à l'ordonnance de ses diz executeurs. Item, il donne et laisse aux Cordeliers de Roye xx solz Parisis pour une fois. Item, à l'ostel Dieu d'icelle ville xl solz Parisis, et diront vigiles et messe. Item, il veult el ordonne que à tous les povres qui vendront au dit lieu de Roye le jour de son obseque, qui se fera ilec, soit donné et baillé à chascun un blanc de quatre deniers Parisis. Item, il veult et ordonne que à tous les prestres de la dicte eglise Saint Florent, c'est assavoir, celui qui dira messe, le dyacre, soubz-diacre et choriers, soit baillé à chascun vin solz Parisis, et à chascun des autres chanoines de la dicte eglise qui sera present aux vigiles et messe de son dit service vi solz Parisis, à chascun chappellain et à chascun vicaire de la dicte eglise mi solz Parisis, aux enfans de cuer de la dicte eglise à chascun enfant xii deniers Parisis, et à .chascun prestre de la dicte ville de Roye et du païs environ qui vouldront chanter messe pour son ame iii solz Parisis.

	i3.